3. раттипуппхийаттхераапада̄нам̣

13. ‘‘мигалуддо пуре а̄сим̣, аран̃н̃е ка̄нане ахам̣;

випассим̣ аддасам̣ буддхам̣, девадевам̣ нара̄сабхам̣.

14. ‘‘раттикам̣ пуппхитам̣ дисва̄, кут̣аджам̣ дхаран̣ӣрухам̣;

самӯлам̣ паггахетва̄на, упанесим̣ махесино.

15. ‘‘еканавутито каппе, йам̣ пуппхамабхиропайим̣;

дуггатим̣ на̄бхиджа̄на̄ми, пуппхада̄нассидам̣ пхалам̣.

16. ‘‘ито ча ат̣т̣хаме каппе, суппасаннасана̄мако;

саттаратанасампанно, ра̄джа̄хосим̣ махаббало.

17. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ раттипуппхийо тхеро има̄ га̄тха̄йо абха̄ситтха̄ти.

раттипуппхийаттхерасса̄пада̄нам̣ татийам̣.