4. десапӯджакаттхераапада̄нам̣

18. ‘‘аттхадассӣ ту бхагава̄, локаджет̣т̣хо нара̄сабхо;

аббхуггантва̄на веха̄сам̣, гаччхате анилан̃джасе.

19. ‘‘йамхи десе т̣хито саттха̄, аббхуггаччхи маха̄муни;

та̄хам̣ десам̣ апӯджесим̣, пасанно сехи па̄н̣ибхи.

20. ‘‘ат̣т̣ха̄расе каппасате, аддасам̣ йам̣ маха̄муним̣;

дуггатим̣ на̄бхиджа̄на̄ми, десапӯджа̄йидам̣ пхалам̣.

21. ‘‘ека̄дасе каппасате, госуджа̄тасана̄мако;

саттаратанасампанно, чаккаваттӣ махаббало.

22. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ десапӯджако тхеро има̄ га̄тха̄йо абха̄ситтха̄ти.

десапӯджакаттхерасса̄пада̄нам̣ чатуттхам̣.