8. на̄гапуппхийаттхераапада̄нам̣

39. ‘‘суваччхо на̄ма на̄мена, бра̄хман̣о мантапа̄рагӯ;

пураккхато сасиссехи, васате паббатантаре.

40. ‘‘падумуттаро на̄ма джино, а̄хутӣнам̣ пат̣иггахо;

мамуддхаритука̄мо со, а̄гаччхи мама сантикам̣.

41. ‘‘веха̄самхи чан̇камати, дхӯпа̄йати джалате татха̄;

ха̄сам̣ мамам̣ видитва̄на, пакка̄ми па̄чина̄мукхо.

42. ‘‘тан̃ча аччхарийам̣ дисва̄, аббхутам̣ ломахам̣санам̣;

на̄гапуппхам̣ гахетва̄на, гатамаггамхи окирим̣.

43. ‘‘сатасахассито каппе, йам̣ пуппхам̣ окирим̣ ахам̣;

тена читтаппаса̄дена, дуггатим̣ нупападжджахам̣.

44. ‘‘екаттим̣се каппасате [екатим̣се ито камме (сйа̄.)], ра̄джа̄ а̄си маха̄рахо;

саттаратанасампанно, чаккаваттӣ махаббало.

45. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ на̄гапуппхийо тхеро има̄ га̄тха̄йо абха̄ситтха̄ти.

на̄гапуппхийаттхерасса̄пада̄нам̣ ат̣т̣хамам̣.