6. анулепада̄йакаттхераапада̄нам̣

26. ‘‘аномадассӣмунино, бодхиведимака̄сахам̣;

судха̄йа пин̣д̣ам̣ датва̄на, па̄н̣икаммам̣ ака̄сахам̣.

27. ‘‘дисва̄ там̣ сукатам̣ каммам̣, аномадассӣ наруттамо;

бхиккхусан̇гхе т̣хито саттха̄, имам̣ га̄тхам̣ абха̄сатха.

28. ‘‘‘имина̄ судхакаммена, четана̄пан̣идхӣхи ча;

сампаттим̣ анубхотва̄на, дуккхассантам̣ кариссати’.

29. ‘‘пасаннамукхаван̣н̣омхи, екагго сусама̄хито;

дха̄реми антимам̣ дехам̣, самма̄самбуддхаса̄сане.

30. ‘‘ито каппасате а̄сим̣, парипун̣н̣е анӯнаке [парипун̣н̣о анӯнако (сйа̄.)];

ра̄джа̄ саббагхано на̄ма, чаккаваттӣ махаббало.

31. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ анулепада̄йако тхеро има̄ га̄тха̄йо абха̄ситтха̄ти.

анулепада̄йакаттхерасса̄пада̄нам̣ чхат̣т̣хам̣.