3. ведика̄ракаттхераапада̄нам̣

10. ‘‘ниббуте локана̄тхамхи, пийадассӣнаруттаме;

пасанначитто сумано, мутта̄ведимака̄сахам̣.

11. ‘‘ман̣ӣхи парива̄ретва̄, ака̄сим̣ ведимуттамам̣;

ведика̄йа махам̣ катва̄, таттха ка̄лан̇като ахам̣.

12. ‘‘йам̣ йам̣ йонупападжджа̄ми, деваттам̣ атха ма̄нусам̣;

ман̣ӣ дха̄ренти а̄ка̄се, пун̃н̃акаммассидам̣ пхалам̣.

13. ‘‘сол̣асито каппасате, ман̣иппабха̄сана̄мака̄;

чхаттим̣са̄сим̣су [ба̄ттим̣са̄сим̣су (сӣ. сйа̄.)] ра̄джа̄но, чаккаваттӣ махаббала̄.

14. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ ведика̄рако тхеро има̄ га̄тха̄йо абха̄ситтха̄ти.

ведика̄ракаттхерасса̄пада̄нам̣ татийам̣.