7. аттхасандассакаттхераапада̄нам̣

47. ‘‘виса̄лама̄л̣е а̄сӣно, аддасам̣ локана̄йакам̣;

кхӣн̣а̄савам̣ балаппаттам̣, бхиккхусан̇гхапураккхатам̣.

48. ‘‘сатасахасса̄ тевиджджа̄, чхал̣абхин̃н̃а̄ махиддхика̄;

парива̄ренти самбуддхам̣, ко дисва̄ наппасӣдати.

49. ‘‘н̃а̄н̣е упанидха̄ йасса, на виджджати садеваке;

анантан̃а̄н̣ам̣ самбуддхам̣, ко дисва̄ наппасӣдати.

50. ‘‘дхаммака̄йан̃ча дӣпентам̣, кевалам̣ ратана̄карам̣;

викаппетум̣ [викопетум̣ (сӣ. сйа̄.)] на сакконти, ко дисва̄ наппасӣдати.

51. ‘‘има̄хи тӣхи га̄тха̄хи, на̄радовхайаваччхало [сарагаччхийо (сӣ.), пурагаччхийо (сйа̄.)];

падумуттарам̣ тхавитва̄на, самбуддхам̣ апара̄джитам̣.

52. ‘‘тена читтаппаса̄дена, буддхасантхаванена ча;

каппа̄нам̣ сатасахассам̣, дуггатим̣, нупападжджахам̣.

53. ‘‘ито тим̣сакаппасате, сумитто на̄ма кхаттийо;

саттаратанасампанно, чаккаваттӣ махаббало.

54. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ аттхасандассако тхеро има̄ га̄тха̄йо абха̄ситтха̄ти.

аттхасандассакаттхерасса̄пада̄нам̣ саттамам̣.