6. кусума̄санийаттхераапада̄нам̣

65. ‘‘нагаре дхан̃н̃аватийа̄, ахосим̣ бра̄хман̣о тада̄;

лаккхан̣е итиха̄се ча, санигхан̣д̣усакет̣убхе.

66. ‘‘падако веййа̄каран̣о, нимиттаковидо ахам̣;

манте ча сиссе ва̄чесим̣, тин̣н̣ам̣ веда̄на па̄рагӯ.

67. ‘‘пан̃ча уппалахаттха̄ни, пит̣т̣хийам̣ т̣хапита̄ни ме;

а̄хутим̣ йит̣т̣хука̄мохам̣, питума̄тусама̄гаме.

68. ‘‘тада̄ випассӣ бхагава̄, бхиккхусан̇гхапураккхато;

обха̄сенто диса̄ сабба̄, а̄гаччхати нара̄сабхо.

69. ‘‘а̄санам̣ пан̃н̃апетва̄на, нимантетва̄ маха̄муним̣;

сантхаритва̄на там̣ пуппхам̣, абхинесим̣ сакам̣ гхарам̣.

70. ‘‘йам̣ ме аттхи саке гехе, а̄мисам̣ паччупат̣т̣хитам̣;

та̄хам̣ буддхасса па̄да̄сим̣, пасанно сехи па̄н̣ибхи.

71. ‘‘бхутта̄вим̣ ка̄ламан̃н̃а̄йа, пуппхахаттхамада̄сахам̣;

анумодитва̄на саббан̃н̃ӯ, пакка̄ми уттара̄мукхо.

72. ‘‘еканавутито каппе, йам̣ пуппхамададим̣ тада̄;

дуггатим̣ на̄бхиджа̄на̄ми, пуппхада̄нассидам̣ пхалам̣.

73. ‘‘анантарам̣ ито каппе, ра̄джа̄хум̣ варадассано;

саттаратанасампанно, чаккаваттӣ махаббало.

74. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ кусума̄санийо тхеро има̄ га̄тха̄йо абха̄ситтха̄ти.

кусума̄санийаттхерасса̄пада̄нам̣ чхат̣т̣хам̣.