10. падумапӯджакаттхераапада̄нам̣

97. ‘‘химавантасса̄видӯре, готамо на̄ма паббато;

на̄на̄руккхехи сан̃чханно, маха̄бхӯтаган̣а̄лайо.

98. ‘‘вемаджджхамхи ча тасса̄си, ассамо абхиниммито;

пураккхато сасиссехи, васа̄ми ассаме ахам̣.

99. ‘‘а̄йанту ме сиссаган̣а̄, падумам̣ а̄харанту ме;

буддхапӯджам̣ карисса̄ми, двипадиндасса та̄дино.

100. ‘‘еванти те пат̣иссутва̄, падумам̣ а̄харим̣су ме;

татха̄ нимиттам̣ катва̄хам̣, буддхасса абхиропайим̣.

101. ‘‘сиссе тада̄ сама̄нетва̄, са̄дхукам̣ ануса̄сахам̣;

ма̄ кхо тумхе памаджджиттха, аппама̄до сукха̄вахо.

102. ‘‘евам̣ самануса̄ситва̄, те сиссе вачанаккхаме;

аппама̄дагун̣е йутто, тада̄ ка̄лан̇като ахам̣.

103. ‘‘еканавутито каппе, йам̣ пуппхамабхиропайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

104. ‘‘екапан̃н̃а̄сакаппамхи, ра̄джа̄ а̄сим̣ джалуттамо;

саттаратанасампанно, чаккаваттӣ махаббало.

105. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ падумапӯджако тхеро има̄ га̄тха̄йо абха̄ситтха̄ти;

падумапӯджакаттхерасса̄пада̄нам̣ дасамам̣.

сереййавагго терасамо.