2. суман̇галаттхераапада̄нам̣

11. ‘‘аттхадассӣ джинаваро, локаджет̣т̣хо нара̄сабхо;

виха̄ра̄ абхиниккхамма, тал̣а̄кам̣ упасан̇ками.

12. ‘‘нхатва̄ питва̄ ча самбуддхо, уттаритвекачӣваро;

ат̣т̣ха̄си бхагава̄ таттха, вилокенто дисодисам̣.

13. ‘‘бхаване упавит̣т̣хохам̣, аддасам̣ локана̄йакам̣;

хат̣т̣хо хат̣т̣хена читтена, аппхот̣есим̣ ахам̣ тада̄.

14. ‘‘сатарам̣сим̣ва джотантам̣, пабха̄сантам̣ва кан̃чанам̣ [имина̄ па̄дадвайена пуримапа̄дадвайасса пурато бхавитаббам̣];

наччагӣте пайуттохам̣, пан̃чан̇гатӯрийамхи ча.

15. ‘‘йам̣ йам̣ йонупападжджа̄ми, деваттам̣ атха ма̄нусам̣;

саббе сатте абхибхоми, випуло хоти ме йасо [айан̃ча га̄тха̄ париггахетига̄тха̄йа анантарамева т̣ха̄тум̣ йутта̄].

16. ‘‘намо те пуриса̄джан̃н̃а, намо те пурисуттама;

атта̄нам̣ тосайитва̄на, паре тосеси твам̣ муни.

17. ‘‘париггахе [париггайха (сӣ.), париггахитва̄ (сйа̄.), париггахена (ка.)] нисӣдитва̄, ха̄сам̣ катва̄на суббате;

упат̣т̣хахитва̄ самбуддхам̣, туситам̣ упападжджахам̣.

18. ‘‘сол̣асето каппасате, двинаваекачинтита̄;

саттаратанасампанна̄, чаккаваттӣ махаббала̄.

19. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ суман̇гало тхеро има̄ га̄тха̄йо абха̄ситтха̄ти.

суман̇галаттхерасса̄пада̄нам̣ дутийам̣.