6. удакапӯджакаттхераапада̄нам̣

29. ‘‘суван̣н̣аван̣н̣ам̣ самбуддхам̣, гаччхантам̣ анилан̃джасе;

гхата̄санам̣ва джалитам̣, а̄диттам̣ва хута̄санам̣.

30. ‘‘па̄н̣ина̄ удакам̣ гайха, а̄ка̄се уккхипим̣ ахам̣;

сампат̣иччхи маха̄вӣро, буддхо ка̄рун̣ико иси [майи (сйа̄.)].

31. ‘‘анталиккхе т̣хито саттха̄, падумуттарана̄мако;

мама сан̇каппаман̃н̃а̄йа, имам̣ га̄тхам̣ абха̄сатха.

32. ‘‘‘имина̄ дакада̄нена, пӣтиуппа̄данена ча;

каппасатасахассампи, дуггатим̣ нупападжджати’ [нупападжджаси (ка.)].

33. ‘‘тена каммена двипадинда, локаджет̣т̣ха нара̄сабха;

паттомхи ачалам̣ т̣ха̄нам̣, хитва̄ джайапара̄джайам̣.

34. ‘‘сахассара̄джана̄мена, тайо те чаккаваттино;

пан̃часат̣т̣хикаппасате, ча̄туранта̄ джана̄дхипа̄.

35. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ удакапӯджако тхеро има̄ га̄тха̄йо абха̄ситтха̄ти.

удакапӯджакаттхерасса̄пада̄нам̣ чхат̣т̣хам̣.