4. падапӯджакаттхераапада̄нам̣

19. ‘‘сиддхаттхасса бхагавато, джа̄типуппхамада̄сахам̣;

па̄десу сатта пуппха̄ни, ха̄сенокирита̄ни ме.

20. ‘‘тена камменахам̣ аджджа, абхибхоми нара̄маре;

дха̄реми антимам̣ дехам̣, самма̄самбуддхаса̄сане.

21. ‘‘чатуннавутито каппе, йам̣ пуппхамабхиропайим̣;

дуггатим̣ на̄бхиджа̄на̄ми, пуппхапӯджа̄йидам̣ пхалам̣.

22. ‘‘самантагандхана̄ма̄сум̣, тераса чаккаваттино;

ито пан̃чамаке каппе, ча̄туранта̄ джана̄дхипа̄.

23. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ падапӯджако тхеро има̄ га̄тха̄йо абха̄ситтха̄ти.

падапӯджакаттхерасса̄пада̄нам̣ чатуттхам̣.