2. н̃а̄н̣асан̃н̃икаттхераапада̄нам̣

7. ‘‘суван̣н̣аван̣н̣ам̣ самбуддхам̣, нисабха̄джа̄нийам̣ йатха̄;

тидха̄пабхиннам̣ ма̄тан̇гам̣, кун̃джарам̣ва махесинам̣.

8. ‘‘обха̄сентам̣ диса̄ сабба̄, ул̣ура̄джам̣ва пӯритам̣;

ратхийам̣ пат̣ипаджджантам̣, локаджет̣т̣хам̣ апассахам̣.

9. ‘‘н̃а̄н̣е читтам̣ паса̄детва̄, паггахетва̄на ан̃джалим̣;

пасанначитто сумано, сиддхаттхамабхива̄дайим̣.

10. ‘‘чатуннавутито каппе, йам̣ каммамакарим̣ тада̄;

дуггатим̣ на̄бхиджа̄на̄ми, н̃а̄н̣асан̃н̃а̄йидам̣ пхалам̣.

11. ‘‘тесаттатимхито каппе, сол̣аса̄сум̣ наруттама̄;

саттаратанасампанна̄, чаккаваттӣ махаббала̄.

12. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ н̃а̄н̣асан̃н̃ико тхеро има̄ га̄тха̄йо абха̄ситтха̄ти.

н̃а̄н̣асан̃н̃икаттхерасса̄пада̄нам̣ дутийам̣.