упосатха̄дипуччха̄виссаджджана̄

332. ‘‘упосатхакаммасса ко а̄дӣ’’тиа̄дӣнам̣ пуччха̄нам̣ виссаджджане са̄маггӣ а̄дӣти ‘‘упосатхам̣ карисса̄ма̄’’ти сӣмам̣ содхетва̄ чхандапа̄рисуддхим̣ а̄харитва̄ саннипатита̄нам̣ ка̄йаса̄маггӣ а̄ди. кирийа̄ маджджхети пуббакиччам̣ катва̄ па̄тимоккхаоса̄ран̣акирийа̄ маджджхе. нит̣т̣ха̄нам̣ парийоса̄нанти ‘‘таттха саббехева самаггехи саммодама̄нехи авивадама̄нехи сиккхитабба’’нти идам̣ па̄тимоккханит̣т̣ха̄нам̣ парийоса̄нам̣. пава̄ран̣а̄каммасса са̄маггӣ а̄дӣти ‘‘пава̄ран̣ам̣ карисса̄ма̄’’ти сӣмам̣ содхетва̄ чхандапава̄ран̣ам̣ а̄харитва̄ саннипатита̄нам̣ ка̄йаса̄маггӣ а̄ди. кирийа̄ маджджхети пава̄ран̣а̄н̃атти ча пава̄ран̣а̄катха̄ ча маджджхе, сан̇гханавакасса ‘‘пассанто пат̣икарисса̄мӣ’’ти вачанам̣ парийоса̄нам̣. таджджанӣйакамма̄дӣсу ваттху на̄ма йена ваттхуна̄ камма̄рахо хоти, там̣ ваттху. пуггалоти йена там̣ ваттху катам̣, со пуггало. каммава̄ча̄ парийоса̄нанти ‘‘катам̣ сан̇гхена иттханна̄масса бхиккхуно таджджанӣйакаммам̣, кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти евам̣ тасса̄ тасса̄ каммава̄ча̄йа аваса̄навачанам̣ парийоса̄нам̣. сесам̣ саббаттха утта̄намева̄ти

упосатха̄дипуччха̄виссаджджана̄ван̣н̣ана̄ нит̣т̣хита̄.

аттхавасапакаран̣а̄ван̣н̣ана̄

334. аттхавасапакаран̣е – даса аттхавасетиа̄дӣсу йам̣ ваттаббам̣ там̣ пат̣хамапа̄ра̄джикаван̣н̣ана̄йамева вуттам̣. йам̣ сан̇гхасут̣т̣ху там̣ сан̇гхапха̄сӯтиа̄дӣсу упаримам̣ упаримам̣ падам̣ хет̣т̣химасса хет̣т̣химасса падасса аттхо.

аттхасатам̣ дхаммасатантиа̄димхи пана йадетам̣ дасасу падесу екекам̣ мӯлам̣ катва̄ дасаккхаттум̣ йоджана̄йа падасатам̣ вуттам̣. таттха паччхимасса паччхимасса падасса васена аттхасатам̣ пуримасса пуримасса васена дхаммасатам̣ ведитаббам̣. атха ва̄ йе даса аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣, йе пуббе пат̣хамапа̄ра̄джикаван̣н̣ана̄йам̣ ‘‘таттха сан̇гхасут̣т̣хута̄ на̄ма сан̇гхасса сут̣т̣хубха̄во ‘сут̣т̣ху дева̄’ти а̄гатат̣т̣ха̄не вийа ‘сут̣т̣ху бханте’ти вачанасампат̣иччханабха̄во, йо ча татха̄гатасса вачанам̣ сампат̣иччхати, тасса там̣ дӣгхараттам̣ хита̄йа сукха̄йа хоти, тасма̄ сан̇гхасса ‘сут̣т̣ху бханте’ти мама вачанасампат̣иччханаттхам̣ пан̃н̃апесса̄ми асампат̣иччхане а̄дӣнавам̣ сампат̣иччхане ча а̄нисам̣сам̣ дассетва̄ на балакка̄рена абхибхавитва̄ти етаматтхам̣ а̄викаронто а̄ха – сан̇гхасут̣т̣хута̄йа̄’’ти евама̄дина̄ найена ван̣н̣ита̄, тесам̣ идха дасаккхаттум̣ а̄гататта̄ аттхасатам̣ тадаттхаджотака̄нан̃ча пада̄нам̣ васена дхаммасатам̣ ведитаббам̣. ида̄ни аттхаджотака̄нам̣ нируттӣнам̣ васена нируттисатам̣, дхаммабхӯта̄нам̣ нируттӣнам̣ васена нируттисатанти две нируттисата̄ни, аттхасате н̃а̄н̣асатам̣, дхаммасате н̃а̄н̣асатам̣, двӣсу нируттисатесу две н̃а̄н̣асата̄нӣти чатта̄ри н̃а̄н̣асата̄ни ча ведитабба̄ни.

‘‘аттхасатам̣ дхаммасатам̣, две нируттисата̄ни;

чатта̄ри н̃а̄н̣асата̄ни, аттхавасе пакаран̣е’’ти.

ити хи йам̣ вуттам̣, идаметам̣ пат̣ичча вуттанти.

ити самантапа̄са̄дика̄йа винайасам̣ван̣н̣ана̄йа

маха̄ваггаван̣н̣ана̄ нит̣т̣хита̄.