(4) аванданӣйапуггала̄диван̣н̣ана̄

477. даса пуггала̄ на̄бхива̄детабба̄ти сена̄санаккхандхаке вутта̄ даса джана̄. ан̃джали са̄мӣчена ча̄ти са̄мӣчикаммена саддхим̣ ан̃джали ча тесам̣ на ка̄таббо, нева па̄нӣйа̄пуччханата̄лаван̣т̣аггахан̣а̄ди кхандхакаваттам̣ тесам̣ дассетаббам̣, на ан̃джали пагган̣хитабботи аттхо. дасаннам̣ дуккат̣анти тесам̣йева дасаннам̣ евам̣ каронтасса дуккат̣ам̣ хоти. даса чӣварадха̄ран̣а̄ти даса диваса̄ни атирекачӣварасса дха̄ран̣а̄ анун̃н̃а̄та̄ти аттхо.

пан̃чаннам̣ вассам̣вут̣т̣ха̄нам̣, да̄таббам̣ идха чӣваранти пан̃чаннам̣ сахадхаммика̄нам̣ саммукха̄ва да̄таббам̣. саттаннам̣ сантети диса̄паккантаумматтакакхиттачиттаведана̄т̣т̣а̄нам̣ тин̣н̣ан̃ча уккхиттака̄нанти имесам̣ саттаннам̣ санте патирӯпе га̄хаке параммукха̄пи да̄таббам̣. сол̣асаннам̣ на да̄таббанти сеса̄нам̣ чӣвараккхандхаке вутта̄нам̣ пан̣д̣ака̄дӣнам̣ сол̣асаннам̣ на да̄таббам̣.

катисатам̣ раттисатам̣, а̄паттийо чха̄дайитва̄на̄ти катисатам̣ а̄паттийо раттисатам̣ чха̄дайитва̄на. дасасатам̣ раттисатам̣, а̄паттийо чха̄дайитва̄на̄ти дасасатам̣ а̄паттийо раттисатам̣ чха̄дайитва̄на. айан̃хеттха сан̇кхепаттхо – йо дивасе сатам̣ сатам̣ сан̇гха̄дисеса̄паттийо а̄паджджитва̄ даса даса дивасе пат̣иччха̄дети, тена раттисатам̣ а̄паттисахассам̣ пат̣иччха̄дитам̣ хоти, со сабба̄ва та̄ а̄паттийо даса̄хапат̣иччханна̄ти парива̄сам̣ йа̄читва̄ даса раттийо васитва̄на муччеййа па̄рива̄сикоти.

два̄даса каммадоса̄ вутта̄ти апалоканакаммам̣ адхамменаваггам̣, адхамменасамаггам̣, дхамменаваггам̣, татха̄ н̃аттикамман̃аттидутийакамман̃аттичатуттхакамма̄нипӣти евам̣ екекасмим̣ камме тайо тайо катва̄ два̄даса каммадоса̄ вутта̄.

чатассо каммасампаттийоти апалоканакаммам̣ дхамменасамаггам̣, татха̄ сеса̄нипӣти евам̣ чатассо каммасампаттийо вутта̄.

чха камма̄нӣти адхамменаваггакаммам̣, адхамменасамаггакаммам̣, дхаммапатирӯпакенаваггакаммам̣, дхаммапатирӯпакенасамаггакаммам̣, дхамменаваггакаммам̣, дхамменасамаггакамманти евам̣ чха камма̄ни вутта̄ни. екеттха дхаммика̄ ката̄ти екам̣ дхаммена самаггакаммамеветтха дхаммикам̣ катанти аттхо. дутийага̄тха̄виссаджджанепи етадева дхаммикам̣.

йам̣ десита̄ти йа̄ни десита̄ни вутта̄ни пака̄сита̄ни. анантаджинена̄тиа̄дӣсу парийантапариччхедабха̄варахитатта̄ анантам̣ вуччати нибба̄нам̣, там̣ бхагавата̄ ран̃н̃а̄ сапаттаган̣ам̣ абхимаддитва̄ раджджам̣ вийа килесаган̣ам̣ абхимаддитва̄ джитам̣ виджитам̣ адхигатам̣ сампаттам̣, тасма̄ бхагава̄ ‘‘анантаджино’’ти вуччати. свева ит̣т̣ха̄нит̣т̣хесу ниббика̄рата̄йа та̄ди, виккхамбханатадан̇гасамуччхедапат̣ипассаддхиниссаран̣авивекасан̇кха̄там̣ вивекапан̃чакам̣ аддаса̄ти вивекадассӣ; тена анантаджинена та̄дина̄ вивекадассина̄ йа̄ни а̄паттиккхандха̄ни десита̄ни вутта̄ни. екеттха саммати вина̄ саматхехӣти айаметтха падасамбандхо, йа̄ни саттха̄ра̄ сатта а̄паттиккхандха̄ни десита̄ни, таттха ека̄пи а̄патти вина̄ саматхехи на саммати, атха кхо чха саматха̄ чатта̄ри адхикаран̣а̄нӣти саббепиме дхамма̄ саммукха̄винайена самманти, сама̄йогам̣ гаччханти. еттха пана еко саммукха̄винайова вина̄ саматхехи саммати, саматхабха̄вам̣ гаччхати. на хи тасса ан̃н̃ена саматхена вина̄ аниппхатти на̄ма аттхи. тена вуттам̣ – ‘‘екеттха саммати вина̄ саматхехӣ’’ти. имина̄ та̄ва адхиппа̄йена ат̣т̣хакатха̄су аттхо вутто. майам̣ пана ‘‘вина̄’’ти нипа̄тасса пат̣иседханаматтаматтхам̣ гахетва̄ ‘‘екеттха саммати вина̄ саматхехӣ’’ти етесу саттасу а̄паттиккхандхесу еко па̄ра̄джика̄паттиккхандхо вина̄ саматхехи самматӣти етаматтхам̣ рочеййа̄ма. вуттампи четам̣ ‘‘йа̄ са̄ а̄патти анавасеса̄, са̄ а̄патти на катамена адхикаран̣ена катамамхи т̣ха̄не на катамена саматхена самматӣ’’ти.

чхаӯнадийад̣д̣хасата̄ти ‘‘идха, упа̄ли, бхиккху адхаммам̣ дхаммоти дӣпети, тасмим̣ адхаммадит̣т̣хи бхеде адхаммадит̣т̣хи, тасмим̣ адхаммадит̣т̣хи бхеде дхаммадит̣т̣хи, тасмим̣ адхаммадит̣т̣хи бхеде вематико, тасмим̣ дхаммадит̣т̣хи бхеде адхаммадит̣т̣хи, тасмим̣ дхаммадит̣т̣хи бхеде вематико, тасмим̣ вематико бхеде адхаммадит̣т̣хи, тасмим̣ вематико бхеде дхаммадит̣т̣хи, тасмим̣ вематико бхеде вематико’’ти евам̣ йа̄ни ат̣т̣ха̄расаннам̣ бхедакараваттхӯнам̣ васена ат̣т̣ха̄раса ат̣т̣хака̄ни сан̇гхабхедакаккхандхаке вутта̄ни, тесам̣ васена чхаӯнадийад̣д̣хасатам̣ а̄па̄йика̄ ведитабба̄.

ат̣т̣ха̄раса ана̄па̄йика̄ти ‘‘идха, упа̄ли, бхиккху адхаммам̣ дхаммоти дӣпети, тасмим̣ дхаммадит̣т̣хи бхеде дхаммадит̣т̣хи авинидха̄йа дит̣т̣хим̣ авинидха̄йа кхантим̣ авинидха̄йа ручим̣ авинидха̄йа бха̄вам̣ анусса̄вети, сала̄кам̣ га̄хети ‘айам̣ дхаммо, айам̣ винайо, идам̣ саттхуса̄санам̣, имам̣ ган̣хатха, имам̣ рочетха̄’ти, айампи кхо, упа̄ли, сан̇гхабхедако на а̄па̄йико на нерайико на каппат̣т̣хо на атекиччхо’’ти евам̣ екекасмим̣ ваттхусмим̣ екекам̣ катва̄ сан̇гхабхедакаккхандхака̄васа̄не вутта̄ ат̣т̣ха̄раса джана̄. ат̣т̣ха̄раса ат̣т̣хака̄ чхаӯнадийад̣д̣хасатависсаджджане вутта̄йева.