4. чхаббассасиккха̄падаван̣н̣ана̄

557. тена самайена̄ти чхаббассасиккха̄падам̣. таттха ӯхадантипи уммихантипӣти сантхата̄нам̣ упари ваччампи пасса̄вампи каронтӣти вуттам̣ хоти.

динна̄ сан̇гхена иттханна̄масса бхиккхуно сантхатасаммутӣти евам̣ ладдхасаммутико бхиккху йа̄ва рого на вӯпасаммати, та̄ва йам̣ йам̣ т̣ха̄нам̣ гаччхати, таттха таттха сантхатам̣ ка̄тум̣ лабхати. саче арого хутва̄ пуна мӯлабйа̄дхина̄ва гила̄но хоти, сойева париха̄ро, наттхан̃н̃ам̣ саммутикиччанти пхуссадеваттхеро а̄ха. упатиссаттхеро пана ‘‘со ва̄ бйа̄дхи пат̣икуппату, ан̃н̃о ва̄, ‘саким̣ гила̄но’ти на̄мам̣ ладдхам̣ ладдхамева, пуна саммутикиччам̣ наттхӣ’’ти а̄ха.

орена че чханнам̣ васса̄нанти чханнам̣ васса̄нам̣ оримабха̄ге, антоти аттхо. падабха̄джане пана сан̇кхйа̄маттадассанаттхам̣ ‘‘ӯнакачхаббасса̄нӣ’’ти вуттам̣.

ана̄патти чхаббасса̄ни каротӣти йада̄ чхаббасса̄ни парипун̣н̣а̄ни хонти, тада̄ сантхатам̣ кароти. дутийападепи ‘‘йада̄ атирекачхаббасса̄ни хонти, тада̄ каротӣ’’ти еваматтхо дат̣т̣хаббо. на хи со чхаббасса̄ни каротӣти. сесам̣ утта̄наттхамева.

самут̣т̣ха̄на̄дӣни косийасиккха̄падасадиса̄нева̄ти.

чхаббассасиккха̄падаван̣н̣ана̄ нит̣т̣хита̄.