3. татийасиккха̄падаван̣н̣ана̄

1077. татийе – сиккха̄саммутим̣ да̄тунти касма̄ да̄песи? ‘‘ма̄туга̄мо на̄ма лоло хоти две васса̄ни чхасу дхаммесу асиккхитва̄ сӣла̄ни пӯрайама̄но киламати, сиккхитва̄ пана паччха̄ на киламиссати, ниттхариссатӣ’’ти да̄песи.

1079. па̄н̣а̄типа̄та̄ вераман̣им̣ две васса̄ни авӣтиккамма сама̄да̄нам̣ сама̄дийа̄мӣти йам̣ там̣ па̄н̣а̄типа̄та̄ вераман̣ӣти пан̃н̃аттам̣ сиккха̄падам̣, там̣ па̄н̣а̄типа̄та̄ вераман̣исиккха̄падам̣ две васса̄ни авӣтиккамитаббасама̄да̄нам̣ катва̄ сама̄дийа̄мӣти аттхо. еса найо саббаттха. има̄ чха сиккха̄йо сат̣т̣хивасса̄йапи паббаджита̄йа да̄табба̄йева, на ета̄су асиккхита̄ упасампа̄детабба̄.

татийасиккха̄падам̣.