4. чатуттхасиккха̄падаван̣н̣ана̄

898-9. чатуттхе – пан̃ча аха̄ни пан̃ча̄хам̣, пан̃ча̄хамева пан̃ча̄хикам̣. сан̇гха̄т̣ӣнам̣ ча̄ро сан̇гха̄т̣ича̄ро; парибхогавасена ва̄ ота̄панавасена ва̄ сан̇гхат̣итат̣т̣хена сан̇гха̄т̣ӣти ладдхана̄ма̄нам̣ пан̃чаннам̣ чӣвара̄нам̣ париваттананти аттхо. тасма̄йева падабха̄джане ‘‘пан̃чамам̣ дивасам̣ пан̃ча чӣвара̄нӣ’’тиа̄дима̄ха. а̄патти па̄читтийасса̄ти еттха ча екасмим̣ чӣваре ека̄ а̄патти; пан̃часу пан̃ча.

900. а̄пада̄сӯти махаггхам̣ чӣварам̣, на сакка̄ хоти чорабхайа̄дӣсу парибхун̃джитум̣; еварӯпе упаддаве ана̄патти. сесам̣ утта̄намева. катхинасамут̣т̣ха̄нам̣ – акирийам̣, носан̃н̃а̄вимоккхам̣, ачиттакам̣, пан̣н̣аттиваджджам̣, ка̄йакаммам̣, вачӣкаммам̣, тичиттам̣, тиведананти.

чатуттхасиккха̄падам̣.