9. каммапат̣иба̄ханасиккха̄падаван̣н̣ана̄

474. наваме – саче ча майам̣ джа̄неййа̄ма̄ти саче майам̣ джа̄неййа̄ма; чака̄ро пана нипа̄таматтамева. дхаммика̄нанти дхаммена винайена саттхуса̄санена кататта̄ дхамма̄ етесу аттхӣти дхаммика̄ни; тесам̣ дхаммика̄нам̣ чатуннам̣ сан̇гхакамма̄нам̣. кхиййати а̄патти па̄читтийасса̄ти еттха ва̄ча̄йа ва̄ча̄йа па̄читтийам̣. сесам̣ утта̄намева. тисамут̣т̣ха̄нам̣ – кирийам̣, сан̃н̃а̄вимоккхам̣, сачиттакам̣, локаваджджам̣, ка̄йакаммам̣, вачӣкаммам̣, акусалачиттам̣, дуккхаведананти.

каммапат̣иба̄ханасиккха̄падам̣ навамам̣.