6. джотисиккха̄падаван̣н̣ана̄

350. чхат̣т̣хе – бхагга̄ти джанападасса на̄мам̣. сам̣сума̄рагиранти нагарасса. бхесакал̣а̄вананти таннисситаванасса. там̣ пана мига̄нам̣ пха̄сувиха̄раттха̄йа диннатта̄ мигада̄йоти вуччати. сама̄дахитва̄ти джа̄летва̄. парипа̄тесӣти анубандхи.

352. падӣпепӣти падӣпуджджаланепи. джотикепӣти паттапачанаседакамма̄дӣсу джотикаран̣е. татха̄рӯпапаччайа̄ти падӣпа̄дипаччайа̄.

354-5. сайам̣ сама̄дахатӣти еттха джотим̣ сама̄дахитука̄мата̄йа аран̣исан̣т̣хапанато пат̣т̣ха̄йа йа̄ва джа̄ла̄ на ут̣т̣хахати, та̄ва саббапайогесу дуккат̣ам̣. пат̣ила̄там̣ уккхипатӣти дайхама̄нам̣ ала̄там̣ патитам̣ уккхипати, пуна йатха̄т̣ха̄не т̣хапетӣти аттхо. евам̣ авиджджха̄там̣ уккхипитва̄ паккхипантассева дуккат̣ам̣, виджджха̄там̣ пуна джа̄ла̄пентасса па̄читтийамева.

356. татха̄рӯпапаччайа̄ти т̣хапетва̄ падӣпа̄дӣни ан̃н̃енапи татха̄рӯпена паччайена сама̄дахантасса ана̄патти. а̄пада̄сӯти дут̣т̣хава̄л̣амигаамануссехи упаддаво хоти, таттха сама̄дахантасса̄пи ана̄патти. сесам̣ утта̄намева̄ти. чхасамут̣т̣ха̄нам̣ – кирийам̣, носан̃н̃а̄вимоккхам̣, ачиттакам̣, пан̣н̣аттиваджджам̣, ка̄йакаммам̣, вачӣкаммам̣, тичиттам̣, тиведананти.

джотисиккха̄падам̣ чхат̣т̣хам̣.