4. ана̄дарийасиккха̄падаван̣н̣ана̄

342. чатуттхе – катха̄йам̣ нассеййа̄ти катхам̣ айам̣ дхаммо танти павен̣ӣ нассеййа. там̣ ва̄ на сиккхитука̄моти йена пан̃н̃аттена вуччати, там̣ пан̃н̃аттам̣ на сиккхитука̄мо. апан̃н̃аттена̄ти сутте ва̄ абхидхамме ва̄ а̄гатена.

344. евам̣ амха̄кам̣ а̄чарийа̄нам̣ уггахоти еттха га̄райхо а̄чарийуггахо на гахетаббо; павен̣ийа̄ а̄гато а̄чарийуггахова гахетаббо. курундийам̣ пана ‘‘локавадждже а̄чарийуггахо на ват̣т̣ати, пан̣н̣аттивадждже пана ват̣т̣атӣ’’ти вуттам̣. маха̄паччарийам̣ ‘‘суттам̣ сутта̄нуломан̃ча уггахитака̄нам̣йева а̄чарийа̄нам̣ уггахо пама̄н̣ам̣, аджа̄нанта̄нам̣ катха̄ аппама̄н̣анти вуттам̣. там̣ саббам̣ павен̣ийа̄ а̄гатесамодха̄нам̣ гаччхати. сесам̣ утта̄намева̄ти.

тисамут̣т̣ха̄нам̣ – ка̄йачиттато ва̄ча̄читтато ка̄йава̄ча̄читтато ча самут̣т̣ха̄ти, кирийам̣, сан̃н̃а̄вимоккхам̣, сачиттакам̣, локаваджджам̣, ка̄йакаммам̣, вачӣкаммам̣, акусалачиттам̣, дуккхаведананти.

ана̄дарийасиккха̄падам̣ чатуттхам̣.