2. ан̇гулипатодакасиккха̄падаван̣н̣ана̄

330. дутийе – ан̇гулипатодакена̄ти ан̇гулӣхи упакаччхака̄дигхат̣т̣анам̣ вуччати. уттасантоти атиха̄сена киламанто. анасса̄сакоти упаччхиннаасса̄сапасса̄сасан̃ча̄ро хутва̄. анупасампаннам̣ ка̄йена ка̄йанти еттха бхиккхунӣпи анупасампаннат̣т̣ха̄не т̣хита̄, тампи кхид̣д̣а̄дхиппа̄йена пхусантасса дуккат̣ам̣. сесаметтха утта̄намева.

пат̣хамапа̄ра̄джикасамут̣т̣ха̄нам̣ – кирийам̣, сан̃н̃а̄вимоккхам̣, сачиттакам̣, локаваджджам̣, ка̄йакаммам̣, акусалачиттам̣, двиведананти.

ан̇гулипатодакасиккха̄падам̣ дутийам̣.