3. секхасуттаван̣н̣ана̄

523. татийе на хева кхо ка̄йена пхуситва̄ вихаратӣти на на̄мака̄йена пхуситва̄ пат̣илабхитва̄ вихарати, пхуситум̣ пат̣илабхитум̣ на саккоти. пан̃н̃а̄йа ча ативиджджха пассатӣти паччавеккхан̣апан̃н̃а̄йа пана ‘‘упари арахаттапхалиндрийам̣ на̄ма аттхӣ’’ти паджа̄на̄ти. асекхабхӯмийам̣ пхуситва̄ вихаратӣти пат̣илабхитва̄ вихарати. пан̃н̃а̄йа̄ти паччавеккхан̣апан̃н̃а̄йа ‘‘арахаттапхалиндрийам̣ на̄ма аттхӣ’’ти паджа̄на̄ти. на кухин̃чи кисмин̃чӣти двепи ан̃н̃аман̃н̃авевачана̄нева, кисмин̃чи бхаве на уппаджджиссантӣти аттхо. имасмим̣ сутте пан̃чиндрийа̄ни локуттара̄ни, чха локика̄ни ват̣т̣аниссита̄нева катхита̄ни.