3. дутийасам̣кхиттасуттаван̣н̣ана̄

483. татийе татоти пхалавасена ниссаккам̣ ведитаббам̣. саматта̄ни хи парипун̣н̣а̄ни пан̃чиндрийа̄ни арахаттапхалиндрийа̄ни на̄ма хонти, арахаттапхалена саманна̄гато пуггало араха̄ на̄ма хоти. арахаттапхалато мудутара̄ни ана̄га̄мипхалиндрийа̄ни на̄ма хонти, тато мудутара̄ни сакада̄га̄мипхалиндрийа̄ни, тато мудутара̄ни сота̄паттипхалиндрийа̄ни, сота̄паттипхалена саманна̄гато пуггало сота̄панно на̄ма хоти. индрийавематтата̄ пхалавематтата̄ хотӣти индрийана̄наттена пхалана̄наттам̣, пхалана̄наттена пуггалана̄наттанти.