10. уда̄йисуттаван̣н̣ана̄

211. дасаме абахукатоти акатабахума̄но. уккуджджа̄вакуджджанти еттха уккуджджам̣ вуччати удайо, авакуджджам̣ вайоти удайаббайавасена париваттенто саммасантоти дӣпети. дхаммо ча ме, бханте, абхисамитоти випассана̄дхаммо абхисама̄гато. магготи випассана̄маггова. саче хи тхеро тасмим̣ самайе сота̄панно, упари тин̣н̣ам̣ магга̄нам̣ аттха̄йа, саче ана̄га̄мӣ, арахаттамаггасса аттха̄йа айам̣ випассана̄ ведитабба̄. татха̄ татха̄ вихарантанти тена тена̄ка̄рена вихарантам̣. татхатта̄йа̄ти татха̄бха̄ва̄йа. кхӣн̣а̄ джа̄тӣтиа̄дӣхи татхатта̄йа̄ти адхиппетам̣ татха̄бха̄вам̣ дассети. паччавеккхан̣аттха̄йа упанӣйатӣти хи еттха адхиппа̄йо, там̣ дассенто евама̄ха. сесам̣ саббаттха утта̄намева̄ти.

уда̄йивагго.