2. гила̄навагго

1-3. па̄н̣асутта̄диван̣н̣ана̄

192-194. дутийаваггасса пат̣хаме чатта̄ро ирийа̄патхе каппентӣти йесам̣ чатта̄ро ирийа̄патха̄ аттхи, тесам̣йева васенетам̣ вуттам̣. сӣлам̣ нисса̄йа̄ти чатупа̄рисуддхисӣлам̣ ниссайам̣ катва̄. сатта боджджхан̇гети сахавипассанаке маггабоджджхан̇ге. дутийататийа̄ни утта̄наттха̄нева.

4-10. пат̣хамагила̄насутта̄диван̣н̣ана̄

195-201. чатуттхе татха̄ пахӣно ча̄йасмато маха̄кассапасса со а̄ба̄дхо ахосӣти тхерасса кира имам̣ боджджхан̇габха̄ванам̣ са̄дхукам̣ сун̣антасса етадахоси ‘‘майхам̣ паббаджитадивасато саттаме дивасе сачча̄ни пат̣ивиджджхантасса име боджджхан̇га̄ па̄тубхӯта̄’’ти. атхасса ‘‘ниййа̄никам̣ вата саттхуса̄сана’’нти чинтайато лохитам̣ пасӣди, упа̄да̄рӯпам̣ висуддхам̣ ахоси, поккхарапатте патитаудакабинду вийа сарӣрато рого виниваттитва̄ гато. тена вуттам̣ ‘‘татха̄ пахӣно ча̄йасмато маха̄кассапасса со а̄ба̄дхо ахосӣ’’ти. пан̃чамачхат̣т̣хесупи есева найо. имесам̣ пана тин̣н̣ампи джана̄нам̣ паббатапа̄де пуппхитависаруккхава̄тасампхассена уппанно мандасӣтаджаро а̄ба̄дхоти ведитаббо. сесам̣ саббаттха утта̄намева̄ти.

гила̄навагго.