3. миччхаттаваггаван̣н̣ана̄

21-30. татийаваггасса пат̣хаме миччхаттанти миччха̄сабха̄вам̣. самматтанти самма̄сабха̄вам̣. миччха̄пат̣ипатта̄дхикаран̣ахетӯти миччха̄пат̣ипаттикаран̣ахету. йасма̄ миччха̄пат̣ипаттим̣ кароти, тасма̄ти аттхо. на̄ра̄дхакоти на сампа̄дако. н̃а̄йам̣ дхамманти арийамаггадхаммам̣. миччха̄н̃а̄н̣ӣти миччха̄вин̃н̃а̄н̣о миччха̄паччавеккхан̣о. миччха̄вимуттӣти айа̄тха̄вавимутти, аниййа̄никавимутти. имесу татийа̄дӣсу чатӯсу суттесу ват̣т̣авиват̣т̣ам̣ катхитам̣, паччхимесу панеттха двӣсу пуггало пуччхито дхаммо вибхатто, евам̣ дхаммена пуггало дасситоти. суппаваттийоти суппаваттанийо. йатха̄ иччхитиччхитам̣ дисам̣ паваттенто дха̄вати, евам̣ паваттетум̣ сакка̄ хотӣти аттхо. саупанисам̣ сапариккха̄ранти саппаччайам̣ сапарива̄рам̣. сесам̣ саббаттха утта̄наттхамева̄ти.

миччхаттавагго татийо.