4. пат̣ипаттиваггаван̣н̣ана̄

31-40. чатуттхе миччха̄пат̣ипаттинти айа̄тха̄вапат̣ипаттим̣. миччха̄пат̣ипаннанти айа̄тха̄вапат̣ипаннам̣. ити екам̣ суттам̣ дхаммавасена катхитам̣, екам̣ пуггалавасена. апа̄ра̄ па̄ранти ват̣т̣ато нибба̄нам̣. па̄рага̄миноти еттха йепи па̄ран̇гата̄, йепи гаччханти, йепи гамиссанти, саббе па̄рага̄минотвева ведитабба̄.

тӣрамева̄нудха̄ватӣти ват̣т̣амева анудха̄вати, ват̣т̣е вичарати. кан̣ханти акусаладхаммам̣. сукканти кусаладхаммам̣. ока̄ аноканти ват̣т̣ато нибба̄нам̣. а̄гамма̄ти а̄раббха сандха̄йа пат̣ичча. парийодапеййа̄ти парисуддхам̣ кареййа. читтаклесехӣти читтам̣ килисса̄пентехи нӣваран̣ехи. самбодхийан̇гесӯти саттасу боджджхан̇гесу.

са̄ман̃н̃аттханти нибба̄нам̣. тан̃хи са̄ман̃н̃ена упагантаббато са̄ман̃н̃аттхоти вуччати. брахман̃н̃анти сет̣т̣хабха̄вам̣. брахман̃н̃аттханти нибба̄нам̣ брахман̃н̃ена упагантаббато. йаттха йаттха пана хет̣т̣ха̄ ча имесу ча тӣсу суттесу ‘‘ра̄гаккхайо’’ти а̄гатам̣, таттха таттха арахаттампи ват̣т̣атийева̄ти ваданти.

пат̣ипаттивагго чатуттхо.