2. дутийавиха̄расуттаван̣н̣ана̄

12. дутийе пат̣исалла̄нака̄ран̣ам̣ вуттанайенева ведитаббам̣. миччха̄дит̣т̣хивӯпасамапаччайа̄ти миччха̄дит̣т̣хивӯпасамо на̄ма самма̄дит̣т̣хи. тасма̄ йам̣ самма̄дит̣т̣хипаччайа̄ ведайитам̣ вуттам̣, тадева миччха̄дит̣т̣хивӯпасамапаччайа̄ ведитаббам̣. имасмим̣ пана сутте випа̄каведанам̣ атидӯрети ман̃н̃ама̄на̄ на ган̣хантӣти вуттам̣. имина̄ найена саббаттха аттхо ведитаббо. йасса йасса хи вӯпасамапаччайа̄ти вуччати, тасса тасса пат̣ипаккхадхаммапаччайа̄ва там̣ там̣ ведайитам̣ адхиппетам̣. чхандавӯпасамапаччайа̄тиа̄дӣсу пана чхандавӯпасамапаччайа̄ та̄ва пат̣хамаджджха̄наведана̄ ведитабба̄. витаккавӯпасамапаччайа̄ дутийаджджха̄наведана̄. сан̃н̃а̄паччайа̄ чхасама̄паттиведана̄. сан̃н̃а̄вӯпасамапаччайа̄ невасан̃н̃а̄на̄сан̃н̃а̄йатанаведана̄. чхандо ча вӯпасантотиа̄дӣни вуттаттха̄нева.