9. сӯкасуттаван̣н̣ана̄

9. наваме миччха̄пан̣ихитанти сӯкам̣ на̄ма уддхаггам̣ катва̄ т̣хапитам̣ хаттхам̣ ва̄ па̄дам̣ ва̄ бхиндати, татха̄ ат̣т̣хапитам̣ пана миччха̄пан̣ихитам̣ на̄ма. миччха̄пан̣ихита̄йа дит̣т̣хийа̄ти миччха̄т̣хапита̄йа каммассакатапан̃н̃а̄йа. авиджджам̣ бхиндиссатӣти чатусаччапат̣иччха̄дакам̣ авиджджам̣ бхиндиссати. виджджам̣ уппа̄дессатӣти арахаттамаггавиджджам̣ уппа̄дессати. миччха̄пан̣ихитатта̄, бхиккхаве, дит̣т̣хийа̄ти каммассакатапан̃н̃а̄йа чева маггабха̄вана̄йа ча миччха̄ т̣хапитатта̄, аппаваттитатта̄ти аттхо. имасмим̣ сутте каммассакатан̃а̄н̣ам̣ магганисситам̣ катва̄ миссакамагго катхито.