12. ра̄сийасуттаван̣н̣ана̄

364. два̄дасаме ра̄сийоти ра̄сим̣ катва̄ пан̃хасса пуччхитатта̄ ра̄сийоти евам̣ дхаммасан̇га̄хакаттхерехи гахитана̄мо. тапассинти тапанисситакам̣. лӯкхаджӣвинти лӯкхаджӣвикам̣. анта̄ти кот̣т̣ха̄са̄. га̄моти га̄ммо. гаммотипи па̄т̣хо, га̄мава̄сӣнам̣ дхаммоти аттхо. аттакиламатха̄нуйоготи аттано киламатха̄нуйого, сарӣрадуккхакаран̣анти аттхо.

касма̄ панеттха ка̄масукхаллика̄нуйого гахито, касма̄ аттакиламатха̄нуйого, касма̄ маджджхима̄ пат̣ипада̄ти? ка̄масукхаллика̄нуйого та̄ва ка̄мабхогӣнам̣ дассанаттхам̣ гахито, аттакиламатха̄нуйого тапанисситака̄нам̣, маджджхима̄ пат̣ипада̄ тин̣н̣ам̣ ниджджараваттхӯнам̣ дассанаттхам̣ гахита̄. ким̣ етесам̣ дассане пайоджананти? име две анте паха̄йа татха̄гато маджджхима̄йа пат̣ипада̄йа самма̄самбодхим̣ патто. со ка̄мабхогинопи на саббе гарахати на пасам̣сати, тапанисситакепи на саббе гарахати на пасам̣сати, гарахитаббайуттакейева гарахати, пасам̣ситаббайуттаке пасам̣сатӣти имассаттхасса пака̄санам̣ етесам̣ дассане пайоджананти ведитаббам̣.

ида̄ни таматтхам̣ пака̄сенто тайо кхоме, га̄ман̣и, ка̄мабхогинотиа̄дима̄ха. таттха са̄хасена̄ти са̄хасикакаммена. на сам̣вибхаджатӣти миттасаха̄йасандит̣т̣хасамбхатта̄нам̣ сам̣вибха̄гам̣ на кароти. на пун̃н̃а̄ни каротӣти ана̄гатабхавасса паччайабхӯта̄ни пун̃н̃а̄ни на кароти. дхамма̄дхаммена̄ти дхаммена ча адхаммена ча. т̣ха̄нехӣти ка̄ран̣ехи. саччхикаротӣти катхам̣ атта̄нам̣ а̄та̄пенто парита̄пенто саччхикароти? чатуран̇гавӣрийавасена ча дхутан̇гавасена ча. тиссо сандит̣т̣хика̄ ниджджара̄ти еттха екопи магго тин̣н̣ам̣ килеса̄нам̣ ниджджаран̣ата̄йа тиссо ниджджара̄ти вуттоти.