9. пат̣хамачхапхасса̄йатанасуттаван̣н̣ана̄

71. наваме пхасса̄йатана̄нанти пхасса̄кара̄нам̣. авуситанти авут̣т̣хам̣. а̄рака̄ти дӯре. еттха̄хам̣, бханте, анассасанти, бханте, ахам̣ еттха анассасим̣, нат̣т̣хо на̄ма аханти вадати. бхагава̄ – ‘‘айам̣ бхиккху ‘ахам̣ на̄ма имасмим̣ са̄сане нат̣т̣хо’ти вадати, кинну кхвасса ан̃н̃есу дха̄тукаммат̣т̣ха̄на-касин̣акаммат̣т̣ха̄на̄дӣсу абхийого аттхӣ’’ти чинтетва̄, тампи апассанто – ‘‘катарам̣ ну кхо каммат̣т̣ха̄нам̣ имасса саппа̄йам̣ бхависсатӣ’’ти чинтеси. тато ‘‘а̄йатанакаммат̣т̣ха̄намева саппа̄йа’’нти дисва̄ там̣ катхенто там̣ ким̣ ман̃н̃аси бхиккхӯтиа̄дима̄ха. са̄дхӯти тасса бйа̄каран̣е сампахам̣санам̣. есеванто дуккхасса̄ти айамева ват̣т̣адуккхассанто париччхедо, нибба̄нанти аттхо.