1. пат̣хамасамуддасуттаван̣н̣ана̄

228. самуддаваггасса пат̣хаме чаккху, бхиккхаве, пурисасса самуддоти йади дуппӯран̣ат̣т̣хена йади ва̄ самудданат̣т̣хена самуддо, чаккхумева самуддо. тасса хи патхавито йа̄ва аканит̣т̣хабрахмалока̄ нӣла̄диа̄рамман̣ам̣ самосарантам̣ парипун̣н̣абха̄вам̣ ка̄тум̣ на саккоти, евам̣ дуппӯран̣ат̣т̣хенапи самуддо. чаккху ча тесу тесу нӣла̄дӣсу а̄рамман̣есу самуддати, асам̣вутам̣ хутва̄ осарама̄нам̣ килесуппаттийа̄ ка̄ран̣абха̄вена садосагаманена гаччхатӣти самудданат̣т̣хенапи самуддо. тасса рӯпамайо веготи самуддасса аппама̄н̣о ӯмимайо вего вийа тасса̄пи чаккхусамуддасса самосарантасса нӣла̄дибхедасса а̄рамман̣асса васена аппамеййо рӯпамайо вего ведитаббо. йо там̣ рӯпамайам̣ вегам̣ сахатӣти йо там̣ чаккхусамудде самосат̣ам̣ рӯпамайам̣ вегам̣, мана̄пе рӯпе ра̄гам̣, амана̄пе досам̣, асамапеккхите моханти евам̣ ра̄га̄дикилесе ануппа̄денто упеккхакабха̄вена сахати.

саӯминтиа̄дӣсу килесаӯмӣхи саӯмим̣. килеса̄ват̣т̣ехи са̄ват̣т̣ам̣. килесага̄хехи сага̄хам̣. килесараккхасехи сараккхасам̣. кодхӯпа̄йа̄сасса ча васена саӯмим̣. вутан̃хетам̣ ‘‘ӯмибхайанти кхо, бхиккхаве, кодхӯпа̄йа̄сассетам̣ адхивачана’’нти (итиву. 109; ма. ни. 2.162; а. ни. 4.122). ка̄магун̣авасена са̄ват̣т̣ам̣. вутан̃хетам̣ ‘‘а̄ват̣т̣агга̄хоти кхо, бхиккхаве, пан̃чаннетам̣ ка̄магун̣а̄нам̣ адхивачана’’нти (сам̣. ни. 4.241). ма̄туга̄мавасена сага̄хам̣ сараккхасам̣. вуттан̃хетам̣ ‘‘га̄хараккхасоти кхо, бхиккхаве, ма̄туга̄массетам̣ адхивачана’’нти (итиву. 109). сесава̄ресупи есева найо. сабхайам̣ дуттарам̣ аччатарӣти ӯмибхайена сабхайам̣ дуратиккамам̣ атикками. локантагӯти сан̇кха̄ралокасса антам̣ гато. па̄рагатоти вуччатӣти нибба̄нам̣ гатоти катхӣйати.