7. гаддулабаддхасуттаван̣н̣ана̄

99. саттаме йам̣ маха̄самуддоти йасмим̣ самайе пан̃чаме сӯрийе ут̣т̣хите маха̄самуддо уссуссати. дуккхасса антакирийанти чатта̄ри сачча̄ни аппат̣ивиджджхитва̄ авиджджа̄йа нивута̄нам̣йева сатам̣ ват̣т̣адуккхасса антакирийам̣ париччхедам̣ на вада̄ми. са̄ гаддулабаддхоти гаддулена баддхасунакхо. кхӣлети патхавийам̣ а̄кот̣ите маха̄кхӣле. тхамбхети никхан̣итва̄ т̣хапите тхамбхе. евамева кхоти еттха сунакхо вийа ват̣т̣аниссито ба̄ло, гаддуло вийа дит̣т̣хи, тхамбхо вийа сакка̄йо, гаддулараджджуйа̄ тхамбхе упанибаддхасунакхасса тхамбха̄нупариваттанам̣ вийа дит̣т̣хитан̣ха̄йа сакка̄йе баддхасса путхуджджанасса сакка̄йа̄нупариваттанам̣ ведитаббам̣. саттамам̣.