2. пуппхасуттаван̣н̣ана̄

94. дутийе вивадатӣти ‘‘аниччам̣ дуккхам̣ анатта̄ асубха’’нти йатха̄сабха̄вена вадантена саддхим̣ ‘‘ниччам̣ сукхам̣ атта̄ субха’’нти ваданто вивадати. локадхаммоти кхандхапан̃чакам̣. тан̃хи луджджанасабха̄ватта̄ локадхаммоти вуччати. кинти каромӣти катхам̣ кароми? майхан̃хи пат̣ипаттикатханамева бха̄ро, пат̣ипаттипӯран̣ам̣ пана кулапутта̄нам̣ бха̄роти дассети. имасмим̣ сутте тайо лока̄ катхита̄. ‘‘на̄хам̣, бхиккхаве, локена̄’’ти еттха хи сатталоко катхито, ‘‘аттхи, бхиккхаве, локе локадхаммо’’ти еттха сан̇кха̄ралоко, ‘‘татха̄гато локе джа̄то локе сам̣вад̣д̣хо’’ти еттха ока̄салоко катхито. дутийам̣.