4. ночедам̣суттаван̣н̣ана̄

117. чатуттхе ниссат̣а̄тиа̄дӣни а̄дито вуттапат̣иседхена йоджетва̄ ‘‘на ниссат̣а̄, на висам̣йутта̄, на виппамутта̄, на вимарийа̄дикатена четаса̄ вихарим̣сӯ’’ти евам̣ ведитабба̄ни. дутийанайе вимарийа̄дикатена̄ти ниммарийа̄дикатена. таттха дувидха̄ марийа̄да̄ килесамарийа̄да̄ ват̣т̣амарийа̄да̄ти. таттха ча йасса упад̣д̣ха̄ килеса̄ пахӣна̄, упад̣д̣ха̄ аппахӣна̄, ват̣т̣ам̣ ва̄ пана упад̣д̣хам̣ пахӣнам̣, упад̣д̣хам̣ аппахӣнам̣, тасса читтам̣ пахӣнакилесе ва̄ ват̣т̣ам̣ ва̄ сандха̄йа вимарийа̄дикатам̣, аппахӣнакилесе ва̄ ват̣т̣ам̣ ва̄ сандха̄йа на вимарийа̄дикатам̣. идха пана убхайасса̄пи пахӣнатта̄ ‘‘вимарийа̄дикатена четаса̄’’ти вуттам̣, марийа̄дам̣ акатва̄ т̣хитена атиккантамарийа̄дена четаса̄ти аттхо. ити тӣсупи имесу суттесу чатусаччамева катхитам̣. чатуттхам̣.