10. тхерана̄макасуттаван̣н̣ана̄

244. дасаме ван̣н̣ава̄дӣти а̄нисам̣сава̄дӣ. йам̣ атӣтам̣ там̣ пахӣнанти атӣте кхандхапан̃чаке чхандара̄гаппаха̄нена там̣ пахӣнам̣ на̄ма хоти. ана̄гатанти ана̄гатампи кхандхапан̃чакам̣ таттха чхандара̄гапат̣иниссаггена пат̣иниссат̣т̣хам̣ на̄ма хоти. сабба̄бхибхунти сабба̄ кхандха̄йатанадха̄туйо ча тайо бхаве ча абхибхавитва̄ т̣хитам̣. саббавидунти там̣ вуттаппака̄рам̣ саббам̣ видитам̣ па̄кат̣ам̣ катва̄ т̣хитам̣. саббесу дхаммесӯти тесвева дхаммесу тан̣ха̄дит̣т̣хилепехи анупалиттам̣. саббан̃джаханти тадева саббам̣ таттха чхандара̄гаппаха̄нена джахитва̄ т̣хитам̣. тан̣хаккхайе вимуттанти тан̣хаккхайасан̇кха̄те нибба̄не тада̄рамман̣а̄йа вимуттийа̄ вимуттам̣. дасамам̣.