7. тарун̣аруккхасуттаван̣н̣ана̄

57-59. саттаме тарун̣оти аджа̄тапхало. палимаджджеййа̄ти содхеййа. пам̣сум̣ дадеййа̄ти тхаддхапхарусапам̣сум̣ харитва̄ мудугомайачун̣н̣амиссам̣ мадхурапам̣сум̣ паккхипеййа. вуддхинти вуддхим̣ а̄паджджитва̄ пуппхӯпаго пуппхам̣, пхалӯпаго пхалам̣ ган̣хеййа. идам̣ панеттха опаммасам̣санданам̣ – тарун̣аруккхо вийа хи тебхӯмакават̣т̣ам̣, руккхаджаггако пурисо вийа ват̣т̣аниссито путхуджджано, мӯлапхаласанта̄на̄дӣни вийа тӣхи два̄рехи кусала̄кусалакамма̄йӯханам̣, руккхасса вуд̣д̣хиа̄паджджанам̣ вийа путхуджджанасса тӣхи два̄рехи каммам̣ а̄йӯхато апара̄парам̣ ват̣т̣аппаватти. виват̣т̣ам̣ вуттанайенева ведитаббам̣. ат̣т̣хаманавама̄ни утта̄наттха̄нева. саттама̄дӣни.