7. натумхасуттаван̣н̣ана̄

37. саттаме на тумха̄канти аттани хи сати аттанийам̣ на̄ма хоти. атта̄йева ча наттхи, тасма̄ ‘‘на тумха̄ка’’нти а̄ха. напи ан̃н̃есанти ан̃н̃о на̄ма паресам̣ атта̄, тасмим̣ сати ан̃н̃есам̣ на̄ма сийа̄, сопи наттхи, тасма̄ ‘‘напи ан̃н̃еса’’нти а̄ха. пура̄н̣амидам̣, бхиккхаве, камманти найидам̣ пура̄н̣акаммамева, пура̄н̣акамманиббатто панеса ка̄йо, тасма̄ паччайавоха̄рена евам̣ вутто. абхисан̇кхатантиа̄ди каммавоха̄рассева васена пурималин̇гасабха̄гата̄йа вуттам̣, айам̣ панеттха аттхо – абхисан̇кхатанти паччайехи катоти дат̣т̣хаббо. абхисан̃четайитанти четана̄ваттхуко четана̄мӯлакоти дат̣т̣хаббо. веданийанти веданийаваттхӯти дат̣т̣хаббо. саттамам̣.