1. вивекасуттаван̣н̣ана̄

221. ванасам̣йуттасса пат̣хаме косалесу вихаратӣти саттху сантике каммат̣т̣ха̄нам̣ гахетва̄ тасса джанападасса сулабхабхиккхата̄йа таттха гантва̄ вихарати. сам̣веджетука̄ма̄ти вивекам̣ пат̣ипаджджа̄петука̄ма̄. вивекака̄моти тайо вивеке паттхайанто. ниччхаратӣ бахиддха̄ти ба̄хиресу путхутта̄рамман̣есу чарати. джано джанасминти твам̣ джано ан̃н̃асмим̣ джане чхандара̄гам̣ винайассу. паджаха̄сӣти паджаха. бхава̄сӣти бхава. сатам̣ там̣ са̄райа̄масети сатимантам̣ пан̣д̣итам̣ там̣ майампи са̄райа̄ма, сатам̣ ва̄ дхаммам̣ майам̣ там̣ са̄райа̄ма̄ти аттхо. па̄та̄лараджоти аппатит̣т̣хат̣т̣хена па̄та̄ласан̇кха̄то килесараджо. ма̄ там̣ ка̄мараджоти айам̣ ка̄мара̄гараджо там̣ ма̄ авахари, апа̄йамева ма̄ нетӯти аттхо. пам̣сукунтхитоти пам̣сумаккхито. видхунанти видхунанто. ситам̣ раджанти сарӣралаггам̣ раджам̣. сам̣вегама̄па̄дӣти девата̄пи на̄ма мам̣ евам̣ са̄ретӣти вивекама̄панно, уттамавӣрийам̣ ва̄ паггайха парамавивекам̣ маггамева пат̣ипанноти. пат̣хамам̣.