8. паросахассасуттаван̣н̣ана̄

216. ат̣т̣хаме паросахассанти атирекасахассам̣. акутобхайанти нибба̄не куточи бхайам̣ наттхи, нибба̄наппаттасса ва̄ куточи бхайам̣ наттхӣти нибба̄нам̣ акутобхайам̣ на̄ма. исӣнам̣ исисаттамоти випассито пат̣т̣ха̄йа исӣнам̣ саттамако иси.

ким̣ ну те ван̇гӣса̄ти идам̣ бхагава̄ аттхуппаттивасена а̄ха. сан̇гхамаджджхе кира катха̄ удапа̄ди ‘‘ван̇гӣсаттхеро виссат̣т̣хаватто, нева уддесе, на парипуччха̄йа, на йонисоманасика̄ре каммам̣ кароти, га̄тха̄ бандханто чун̣н̣ийапада̄ни каронто вичаратӣ’’ти. атха бхагава̄ чинтеси – ‘‘име бхиккхӯ ван̇гӣсасса пат̣ибха̄насампаттим̣ на джа̄нанти, чинтетва̄ чинтетва̄ вадатӣти ман̃н̃анти, пат̣ибха̄насампаттимасса джа̄на̄песса̄мӣ’’ти чинтетва̄, ‘‘ким̣ ну те ван̇гӣса̄’’тиа̄дима̄ха.

уммаггапатханти анека̄ни килесуммуджджанасата̄ни, ват̣т̣апатхатта̄ пана патханти вуттам̣. пабхиджджа кхила̄нӣти ра̄гакхила̄дӣни пан̃ча бхиндитва̄ чараси. там̣ пассатха̄ти там̣ евам̣ абхибхуййа бхиндитва̄ чарантам̣ буддхам̣ пассатха. бандхапамун̃чакаранти бандханамочанакарам̣. аситанти анисситам̣. бха̄гасо павибхаджанти сатипат̣т̣ха̄на̄дикот̣т̣ха̄савасена дхаммам̣ вибхаджантам̣. павибхаджджа̄ти ва̄ па̄т̣хо, ан̇гапаччан̇гакот̣т̣ха̄савасена вибхаджитва̄ вибхаджитва̄ пассатха̄ти аттхо.

огхасса̄ти чатурогхасса. анекавихитанти сатипат̣т̣ха̄на̄дивасена анекавидхам̣. тасмим̣ ча амате аккха̄тети тасмим̣ тена аккха̄те амате. дхаммаддаса̄ти дхаммасса пассита̄ро. т̣хита̄ асам̣хӣра̄ти асам̣ха̄рийа̄ хутва̄ патит̣т̣хита̄.

ативиджджха̄ти ативиджджхитва̄. саббат̣т̣хитӣнанти саббесам̣ дит̣т̣хит̣т̣ха̄на̄нам̣ вин̃н̃а̄н̣ат̣т̣хитӣнам̣ ва̄. атиккамамаддаса̄ти атиккамабхӯтам̣ нибба̄намаддаса. агганти уттамадхаммам̣. аггети ва̄ па̄т̣хо, пат̣хаматаранти аттхо. дасаддха̄нанти пан̃чаннам̣, аггадхаммам̣ пан̃чаваггийа̄нам̣, агге ва̄ пан̃чаваггийа̄нам̣ дхаммам̣ десесӣти аттхо. тасма̄ти йасма̄ еса дхаммо судеситоти джа̄нантена ча пама̄до на ка̄таббо, тасма̄. анусиккхети тиссо сиккха̄ сиккхеййа. ат̣т̣хамам̣.