5. дутийасан̇га̄масуттаван̣н̣ана̄

126. пан̃чаме аббхуййа̄сӣти пара̄джайе гарахаппатто ‘‘а̄ра̄мам̣ гантва̄ бхиккхӯнам̣ катха̄салла̄пам̣ сун̣а̄тха̄’’ти раттибха̄ге буддхараккхитена на̄ма вуд̣д̣хапаббаджитена дхаммараккхитасса вуд̣д̣хапаббаджитасса ‘‘саче ра̄джа̄ иман̃ча упа̄йам̣ катва̄ гаччхеййа, пуна джинеййа̄’’ти вуттаджайака̄ран̣ам̣ сутва̄ абхиуййа̄си.

йа̄васса упакаппатӣти йа̄ва тасса упакаппати сайхам̣ хоти. йада̄ чан̃н̃ети йада̄ ан̃н̃е. вилумпантӣти там̣ вилумпитва̄ т̣хитапуггалам̣ вилумпанти. вилумпатӣти вилумпийати. т̣ха̄нам̣ хи ман̃н̃атӣти ‘‘ка̄ран̣а’’нти хи ман̃н̃ати. йада̄ти йасмим̣ ка̄ле. джета̄рам̣ лабхате джайанти джайанто пуггало паччха̄ джета̄рампи лабхати. росета̄ранти гхат̣т̣ета̄рам̣. росакоти гхат̣т̣ако. каммавиват̣т̣ена̄ти каммапарин̣а̄мена, тасса вилумпанакаммасса випа̄када̄нена. со вилутто вилуппатӣти со вилумпако вилумпийати. пан̃чамам̣.