11. аран̣асуттаван̣н̣ана̄

81. ека̄дасаме аран̣а̄ти никкилеса̄. вуситанти вуситава̄со. бходжиссийанти ада̄сабха̄во. саман̣а̄ти кхӣн̣а̄савасаман̣а̄. те хи екантена аран̣а̄ на̄ма. вуситам̣ на нассатӣти тесам̣ арийамаггава̄со на нассати. париджа̄нантӣти путхуджджанакалйа̄н̣акато пат̣т̣ха̄йа секха̄ локийалокуттара̄йа парин̃н̃а̄йа париджа̄нанти. бходжиссийанти кхӣн̣а̄савасаман̣а̄нам̣йева ниччам̣ бхуджиссабха̄во на̄ма. вандантӣти паббаджитадивасато пат̣т̣ха̄йа ванданти. патит̣т̣хитанти сӣле патит̣т̣хитам̣. саман̣ӣдха̄ти саман̣ам̣ идха. джа̄тихӣнанти апи чан̣д̣а̄лакула̄ паббаджитам̣. кхаттийа̄ти на кевалам̣ кхаттийа̄ва, дева̄пи сӣласампаннам̣ саман̣ам̣ вандантийева̄ти. ека̄дасамам̣.

чхетва̄вагго ат̣т̣хамо.

ити са̄раттхаппака̄синийа̄

сам̣йуттаника̄йа-ат̣т̣хакатха̄йа

девата̄сам̣йуттаван̣н̣ана̄ нит̣т̣хита̄.