1. а̄диттасуттаван̣н̣ана̄

41. а̄диттаваггасса пат̣хаме джара̄йа маран̣ена ча̄ти десана̄сӣсаметам̣, ра̄га̄дӣхи пана ека̄дасахи аггӣхи локо а̄диттова. да̄нена̄ти да̄начетана̄йа. диннам̣ хоти сунӣхатанти да̄напун̃н̃ачетана̄хи да̄йакассева хоти гхараса̄микасса вийа нӣхатабхан̣д̣акам̣, тенетам̣ вуттам̣. чора̄ харантӣти адинне бхоге чора̄пи харанти ра̄джа̄нопи, аггипи д̣ахати, т̣хапитат̣т̣ха̄непи нассанти. антена̄ти маран̣ена. сарӣрам̣ сапариггаханти сарӣран̃чева чора̄дӣнам̣ васена авинат̣т̣хабхоге ча. саггамупетӣти вессантарамаха̄ра̄джа̄дайо вийа сагге ниббаттатӣти. пат̣хамам̣.