9. пат̣хамападжджуннадхӣтусуттаван̣н̣ана̄

39. наваме паджджуннасса дхӣта̄ти паджджуннасса на̄ма вассавала̄хакадеваран̃н̃о ча̄тумаха̄ра̄джикасса дхӣта̄. абхивандети бхагава̄ тумха̄кам̣ па̄де ванда̄ми. чаккхумата̄ти пан̃чахи чаккхӯхи чаккхумантена татха̄гатена. дхаммо анубуддхоти, ‘‘идам̣ майа̄ пуббе паресам̣ сантике кевалам̣ сутам̣йева а̄сӣ’’ти вадати. са̄хам̣ да̄нӣти, са̄ ахам̣ ида̄ни. саккхи джа̄на̄мӣти, пат̣иведхавасена паччаккхамева джа̄на̄ми. вигараханта̄ти, ‘‘хӣнаккхарападабйан̃джано’’ти ва̄ ‘‘аниййа̄нико’’ти ва̄ евам̣ гараханта̄. роруванти, две рорува̄ – дхӯмароруво ча джа̄лароруво ча. таттха дхӯмароруво висум̣ хоти, джа̄ларорувоти пана авӣчимаха̄нирайассеветам̣ на̄мам̣. таттха хи сатта̄ аггимхи джаланте джаланте пунаппунам̣ равам̣ раванти, тасма̄ со ‘‘роруво’’ти вуччати. гхоранти да̄рун̣ам̣. кхантийа̄ упасамена упета̄ти руччитва̄ кхама̄петва̄ гахан̣акхантийа̄ ча ра̄га̄диупасамена ча упета̄ти. навамам̣.