2. аггиваччхасуттаван̣н̣ана̄

187. евам̣ ме сутанти аггиваччхасуттам̣. таттха на кхо аханти пат̣хамава̄ре на̄хам̣ сассатадит̣т̣хикоти вадати, дутийе на̄хам̣ уччхедадит̣т̣хикоти. евам̣ анта̄нантика̄дивасена саббава̄ресу пат̣иккхепо ведитаббо. хоти ча на ча хотӣти айам̣ панеттха екаччасассатава̄до. нева хоти на на хотӣти айам̣ амара̄виккхепоти ведитаббо.

189. садуккханти килесадуккхена чева випа̄кадуккхена ча садуккхам̣. савигха̄танти тесам̣йева двиннам̣ васена саупагха̄такам̣. саупа̄йа̄санти тесам̣йева васена саупа̄йа̄сам̣. сапарил̣а̄ханти тесам̣йева васена сапарил̣а̄хам̣.

кин̃чи дит̣т̣хигатанти ка̄чи ека̄ дит̣т̣хипи руччитва̄ кхама̄петва̄ гахита̄ аттхӣти пуччхати. апанӣтанти нӣхат̣ам̣ апавиддхам̣. дит̣т̣ханти пан̃н̃а̄йа дит̣т̣хам̣. тасма̄ти йасма̄ пан̃чаннам̣ кхандха̄нам̣ удайавайам̣ аддаса, тасма̄. саббаман̃н̃ита̄нанти саббесам̣ тин̣н̣ампи тан̣ха̄дит̣т̣хима̄наман̃н̃ита̄нам̣. матхита̄нанти тесам̣йева вевачанам̣. ида̄ни та̄ни вибхаджитва̄ дассенто саббаахам̣ка̄ра-мамам̣ка̄ра-ма̄на̄нусайа̄нанти а̄ха. еттха хи ахам̣ка̄ро дит̣т̣хи, мамам̣ка̄ро тан̣ха̄, ма̄на̄нусайо ма̄но. анупа̄да̄ вимуттоти чатӯхи упа̄да̄нехи кан̃чи дхаммам̣ анупа̄дийитва̄ вимутто.

190. на упетӣти на йуджджати. еттха ча ‘‘на упападжджатӣ’’ти идам̣ ануджа̄нитаббам̣ сийа̄. йасма̄ пана евам̣ вутте со парибба̄джако уччхедам̣ ган̣хеййа, упападжджатӣти пана сассатамева, упападжджати ча на ча упападжджатӣти екаччасассатам̣, нева упападжджати на на упападжджатӣти амара̄виккхепам̣, тасма̄ бхагава̄ – ‘‘айам̣ аппатит̣т̣хо ана̄ламбо хоту, сукхапавесанат̣т̣ха̄нам̣ ма̄ лабхатӯ’’ти ананун̃н̃а̄йа т̣хатва̄ анун̃н̃ампи пат̣иккхипи. аланти саматтхам̣ парийаттам̣. дхаммоти паччайа̄ка̄радхаммо. ан̃н̃атрайогена̄ти ан̃н̃аттха пайогена. ан̃н̃атра̄чарийакена̄ти паччайа̄ка̄рам̣ аджа̄нанта̄нам̣ ан̃н̃есам̣ а̄чарийа̄нам̣ сантике васантена.

191. тена хи ваччха̄ти йасма̄ твам̣ саммохама̄па̄динти вадаси, тасма̄ там̣йеветтха пат̣ипуччхисса̄ми. ана̄ха̄ро ниббутоти аппаччайо ниббуто.

192. йена рӯпена̄ти йена рӯпена саттасан̇кха̄там̣ татха̄гатам̣ рӯпӣти пан̃н̃а̄пеййа. гамбхӣроти гун̣агамбхӣро. аппамеййоти пама̄н̣ам̣ ган̣хитум̣ на саккун̣еййо. дуппарийога̄л̣хоти дуога̄хо дуджджа̄но. сеййатха̄пи маха̄самуддоти йатха̄ маха̄самуддо гамбхӣро аппамеййо дуджджа̄но, евамева кхӣн̣а̄савопи. там̣ а̄раббха упападжджатӣтиа̄ди саббам̣ на йуджджати. катхам̣? йатха̄ париниббутам̣ аггим̣ а̄раббха пураттхимам̣ дисам̣ гатотиа̄ди саббам̣ на йуджджати, евам̣.

аниччата̄ти аниччата̄йа. са̄ре патит̣т̣хитанти локуттарадхаммаса̄ре патит̣т̣хитам̣. сесам̣ саббаттха утта̄намева̄ти.

папан̃часӯданийа̄ маджджхиманика̄йат̣т̣хакатха̄йа

аггиваччхасуттаван̣н̣ана̄ нит̣т̣хита̄.