7. ванапаттхапарийа̄йасуттаван̣н̣ана̄

190. евам̣ ме сутанти ванапаттхапарийа̄йам̣. таттха ванапаттхапарийа̄йанти ванапаттхака̄ран̣ам̣, ванапаттхадесанам̣ ва̄.

191. ванапаттхам̣ упанисса̄йа вихаратӣти мануссӯпача̄ра̄тиккантам̣ ванасан̣д̣асена̄санам̣ нисса̄йа саман̣адхаммам̣ каронто вихарати. анупат̣т̣хита̄тиа̄дӣсу пуббе анупат̣т̣хита̄ сати там̣ упанисса̄йа вихаратопи на упат̣т̣ха̄ти, пуббе асама̄хитам̣ читтам̣ на сама̄дхийати, пуббе апариккхӣн̣а̄ а̄сава̄ на париккхайам̣ гаччханти, пуббе анануппаттам̣ ануттарам̣ йогаккхемасан̇кха̄там̣ арахаттан̃ча на па̄пун̣а̄тӣти аттхо. джӣвитапариккха̄ра̄ти джӣвитасамбха̄ра̄. самуда̄нетабба̄ти сама̄харитабба̄. касирена самуда̄гаччхантӣти дуккхена уппаджджанти. раттибха̄гам̣ ва̄ дивасабха̄гам̣ ва̄ти раттикот̣т̣ха̄се ва̄ дивасакот̣т̣ха̄се ва̄. еттха ча раттибха̄ге пат̣исан̃чиккхама̄нена н̃атва̄ раттим̣йева паккамитаббам̣, раттим̣ чан̣д̣ава̄л̣а̄дӣнам̣ парибандхе сати арун̣уггаманам̣ а̄гаметаббам̣. дивасабха̄ге н̃атва̄ дива̄ва паккамитаббам̣, дива̄ парибандхе сати сӯрийаттхан̇гаманам̣ а̄гаметаббам̣.

192. сан̇кха̄пӣти евам̣ саман̣адхаммасса аниппхаджджанабха̄вам̣ джа̄нитва̄. анантарава̄ре пана сан̇кха̄пӣти евам̣ саман̣адхаммасса ниппхаджджанабха̄вам̣ джа̄нитва̄.

194. йа̄ваджӣванти йа̄ва джӣвитам̣ паваттати, та̄ва ваттхаббамева.

195. со пуггалоти падасса на̄нубандхитабботи имина̄ самбандхо. ана̄пуччха̄ти идха пана там̣ пуггалам̣ ана̄пуччха̄ паккамитаббанти аттхо.

197. сан̇кха̄пӣти евам̣ саман̣адхаммасса аниппхаджджанабха̄вам̣ н̃атва̄ со пуггало на̄нубандхитаббо, там̣ а̄пуччха̄ паккамитаббам̣.

198. апи пануджджама̄нена̄пӣти апи никкад̣д̣хӣйама̄нена̄пи. еварӯпо хи пуггало сачепи да̄рукала̄пасатам̣ ва̄ удакагхат̣асатам̣ ва̄ ва̄ликамбан̣асатам̣ ва̄ дан̣д̣ам̣ а̄хара̄пети, ма̄ идха васӣти никкад̣д̣ха̄пети ва̄, там̣ там̣ кхама̄петва̄ йа̄ваджӣвам̣ ваттхаббамева̄ти.

папан̃часӯданийа̄ маджджхиманика̄йат̣т̣хакатха̄йа

ванапаттхапарийа̄йасуттаван̣н̣ана̄ нит̣т̣хита̄.