3. дан̣д̣асуттаван̣н̣ана̄

13. татийе кума̄рака̄ти да̄рака̄. антара̄ ча са̄ваттхим̣ антара̄ ча джетавананти антара̄саддо ‘‘тадантарам̣ ко джа̄неййа, ан̃н̃атра татха̄гата̄’’ти (а. ни. 6.44; 10.75), ‘‘джана̄ сан̇гамма мантенти, ман̃ча тван̃ча кимантара’’нтиа̄дӣсу (сам̣. ни. 1.228) ка̄ран̣е а̄гато. ‘‘аддаса̄ мам̣, бханте, ан̃н̃атара̄ иттхӣ виджджантарика̄йа бха̄джанам̣ дховантӣ’’тиа̄дӣсу (ма. ни. 2.149) кхан̣е. ‘‘йассантарато на санти копа̄’’тиа̄дӣсу (уда̄. 20) читте. ‘‘антара̄ воса̄нама̄па̄дӣ’’тиа̄дӣсу вемаджджхе. ‘‘апича̄йам̣, бхиккхаве, тапода̄ двиннам̣ маха̄нирайа̄нам̣ антарика̄йа а̄гаччхатӣ’’тиа̄дӣсу (па̄ра̄. 231) виваре. сва̄йамидха̄пи виваре ведитаббо. тасма̄ са̄ваттхийа̄ ча джетаванасса ча виварети, еваметтха аттхо ведитаббо. антара̄саддайогато четтха упайогавачанам̣ ‘‘антара̄ ча са̄ваттхим̣ антара̄ ча джетавана’’нти. ӣдисесу т̣ха̄несу аккхарачинтака̄ ‘‘антара̄ га̄ман̃ча надин̃ча гаччхатӣ’’ти екамева антара̄саддам̣ пайуджджанти, со дутийападенапи йоджетаббо хоти. идха пана йоджетва̄ вутто.

ахим̣ дан̣д̣ена ханантӣти билато никкхамитва̄ гочара̄йа гаччхантам̣ кан̣хасаппам̣ чха̄таджджхаттам̣ анубандхитва̄ йат̣т̣хӣхи потхенти. тена ча самайена бхагава̄ са̄ваттхим̣ пин̣д̣а̄йа гаччханто антара̄магге те да̄раке ахим̣ дан̣д̣ена хананте дисва̄ ‘‘касма̄ кума̄рака̄ имам̣ ахим̣ дан̣д̣ена ханатха̄’’ти пуччхитва̄ ‘‘д̣ам̣санабхайена, бханте’’ти ча вутте ‘‘име аттано сукхам̣ карисса̄ма̄ти имам̣ пахаранта̄ ниббаттат̣т̣ха̄не дуккхам̣ анубхависсанти, ахо авиджджа̄йа никатикосалла’’нти дхаммасам̣вегам̣ уппа̄деси. тенева ча дхаммасам̣вегена уда̄нам̣ уда̄неси. тена вуттам̣ ‘‘атха кхо бхагава̄’’тиа̄ди.

таттха етаматтхам̣ видитва̄ти ‘‘име да̄рака̄ аттасукха̄йа парадуккхам̣ каронта̄ сайам̣ параттха сукхам̣ на лабхиссантӣ’’ти етаматтхам̣ джа̄нитва̄ти евамеке ван̣н̣енти. ан̃н̃есам̣ дуппат̣ипанна̄нам̣ сукхапарийесанам̣ а̄йатим̣ дуккха̄йа сам̣ваттати, суппат̣ипанна̄нам̣ екантена сукха̄йа сам̣ваттати. тасма̄ ‘‘паравихеса̄винимутта̄ аччантамева сукхабха̄гино вата майхам̣ ова̄даппат̣икара̄’’ти соманассавасеневетампи саттха̄ уда̄нам̣ уда̄несӣти ваданти. апаре пана бхан̣анти ‘‘евам̣ техи кума̄ракехи паваттитам̣ паравихет̣ханам̣ сабба̄ка̄рена а̄дӣнавато видитва̄ паравихеса̄йа пара̄нукампа̄йа ча йатха̄ккамам̣ а̄дӣнава̄нисам̣савибха̄ванам̣ имам̣ уда̄нам̣ уда̄несӣ’’ти.

таттха сукхака̄ма̄нӣти екантенева аттано сукхасса иччханато сукха̄нугиддха̄ни. бхӯта̄нӣти па̄н̣ино. йо дан̣д̣ена вихим̣сатӣти еттха дан̣д̣ена̄ти десана̄маттам̣, дан̣д̣ена ва̄ лед̣д̣усаттхапа̄н̣иппаха̄ра̄дӣхи ва̄ти аттхо. атха ва̄ дан̣д̣ена̄ти дан̣д̣анена. идам̣ вуттам̣ хоти – йо сукхака̄ма̄ни саббабхӯта̄ни джа̄тиа̄дина̄ гхат̣т̣анавасена вачӣдан̣д̣ена ва̄ па̄н̣имуггарасаттха̄дӣхи потханата̄л̣аначчхедана̄дивасена сарӣрадан̣д̣ена ва̄ сатам̣ ва̄ сахассам̣ ва̄ т̣ха̄панавасена дханадан̣д̣ена ва̄ти имесу дан̣д̣есу йена кеначи дан̣д̣ена вихим̣сати вихет̣хети дуккхам̣ па̄пети, аттано сукхамеса̄но, печча со на лабхате сукханти со пуггало аттано сукхам̣ есанто гавесанто паттхенто печча паралоке мануссасукхам̣ диббасукхам̣ нибба̄насукханти тивидхампи сукхам̣ на лабхати, ан̃н̃адаттху тена дан̣д̣ена дуккхамева лабхатӣти аттхо.

печча со лабхате сукханти йо кхантиметта̄нуддайасампанно ‘‘йатха̄хам̣ сукхака̄мо дуккхаппат̣икӯло, евам̣ саббепӣ’’ти чинтетва̄ сампаттавиратиа̄дӣсу т̣хито вуттанайена кеначи дан̣д̣ена сабба̄нипи бхӯта̄ни на хим̣сати на ба̄дхати, со пуггало паралоке мануссабхӯто мануссасукхам̣, девабхӯто диббасукхам̣, убхайам̣ атиккаманто нибба̄насукхам̣ лабхатӣти. еттха ча та̄дисасса пуггаласса авассам̣бха̄вита̄йа там̣ сукхам̣ паччуппаннам̣ вийа хотӣти дассанаттхам̣ ‘‘лабхате’’ти вуттам̣. пуримага̄тха̄йапи есева найо.

татийасуттаван̣н̣ана̄ нит̣т̣хита̄.