8. хемакасуттаван̣н̣ана̄

1091-4. йе ме пуббети хемакасуттам̣. таттха йе ме пуббе вийа̄кам̣сӯти йе ба̄вариа̄дайо пуббе майхам̣ сакам̣ ладдхим̣ вийа̄кам̣су. хурам̣ готамаса̄сана̄ти готамаса̄сана̄ пуббатарам̣. саббам̣ там̣ таккавад̣д̣хананти саббам̣ там̣ ка̄мавитакка̄дивад̣д̣ханам̣. тан̣ха̄ниггха̄тананти тан̣ха̄вина̄санам̣. атхасса бхагава̄ там̣ дхаммам̣ а̄чиккханто ‘‘идха̄’’ти га̄тха̄двайама̄ха. таттха етадан̃н̃а̄йа йе сата̄ти етам̣ нибба̄нападамаччутам̣ ‘‘саббе сан̇кха̄ра̄ аничча̄’’тиа̄дина̄ найена випассанта̄ анупуббена джа̄нитва̄ йе ка̄йа̄нупассана̄сатиа̄дӣхи сата̄. дит̣т̣хадхамма̄бхиниббута̄ти видитадхамматта̄, дит̣т̣хадхамматта̄, ра̄га̄динибба̄нена ча абхиниббута̄. сесам̣ саббаттха па̄кат̣амева.

евам̣ бхагава̄ имампи суттам̣ арахаттаникӯт̣енева десеси. десана̄парийоса̄не ча пуббасадисо ева дхамма̄бхисамайо ахосӣти.

параматтхаджотика̄йа кхуддака-ат̣т̣хакатха̄йа

суттанипа̄та-ат̣т̣хакатха̄йа хемакасуттаван̣н̣ана̄ нит̣т̣хита̄.