5. мат̣т̣хакун̣д̣алӣпетаваттхуван̣н̣ана̄

алан̇като мат̣т̣хакун̣д̣алӣти идам̣ саттхари джетаване вихаранте мат̣т̣хакун̣д̣алидевапуттам̣ а̄раббха вуттам̣. таттха йам̣ ваттаббам̣, там̣ параматтхадӣпанийам̣ вима̄наваттхуван̣н̣ана̄йам̣ мат̣т̣хакун̣д̣алӣвима̄наваттхуван̣н̣ана̄йа (ви. ва. ат̣т̣ха. 1206 мат̣т̣хакун̣д̣алӣвима̄наван̣н̣ана̄) вуттамева, тасма̄ таттха вуттанайенева ведитаббам̣.

еттха ча мат̣т̣хакун̣д̣алӣдевапуттасса вима̄надевата̄бха̄вато тасса ваттху йадипи вима̄наваттхупа̄л̣ийам̣ сан̇гахам̣ а̄ропитам̣, йасма̄ пана со девапутто адиннапуббакабра̄хман̣асса путтасокена суса̄нам̣ гантва̄ а̄л̣а̄ханам̣ анупарийа̄йитва̄ родантасса сокахаран̣аттхам̣ аттано деварӯпам̣ пат̣исам̣харитва̄ харичандануссадо ба̄ха̄ паггайха канданто дуккха̄бхибхӯта̄ка̄рена пето вийа атта̄нам̣ дассеси. мануссаттабха̄вато апетатта̄ петапарийа̄йопи лаббхати ева̄ти тасса ваттху петаваттхупа̄л̣ийампи сан̇гахам̣ а̄ропитанти дат̣т̣хаббам̣.

мат̣т̣хакун̣д̣алӣпетаваттхуван̣н̣ана̄ нит̣т̣хита̄.