12. пхалан̃а̄н̣аниддесаван̣н̣ана̄

63. пхалан̃а̄н̣аниддесе там̣пайогаппат̣иппассаддхатта̄ти тасса аджджхаттабахиддха̄ вут̣т̣ха̄напайогасса пат̣иппассаддхатта̄. магго хи сакаккхан̣е килесаппаха̄нена убхато вут̣т̣ха̄напайогам̣ кароти на̄ма, пхалаккхан̣е килеса̄нам̣ пахӣнатта̄ маггасса убхато вут̣т̣ха̄напайого пат̣иппассаддхо вӯпасанто на̄ма хоти. уппаджджатӣти магга̄нантарам̣ саким̣ ва̄ двиккхаттум̣ ва̄ уппаджджати, пхаласама̄паттика̄ле пана бахуккхаттум̣, ниродха̄ вут̣т̣хахантасса двиккхаттум̣ уппаджджати, саббампи хи там̣ пайогаппат̣иппассаддхатта̄ уппаджджати. маггассетам̣ пхаланти пхалам̣ апеккхитва̄ напум̣сакавачанам̣ катам̣. сакада̄га̄мимаггаккхан̣а̄дӣсупи екекамагган̇гавасенева вут̣т̣ха̄найоджана̄ ведитабба̄.

пхалан̃а̄н̣аниддесаван̣н̣ана̄ нит̣т̣хита̄.